نه ختيک ئيواره
به‌شێک له‌ قه‌سیده‌ی ترس

خاتوون

چۆن له‌ پیاوێکی ترسه‌نۆک

نابێزیته‌وه‌

چۆن نابینی

ته‌وژمی ترس

ته‌نگی پێ هه‌ڵچنیوم

.....

له‌ خه‌رمانه‌ی قژتا

ترس ئه‌روێ

له‌ که‌روێشکه‌ی له‌شتا

ترس ئه‌زێ

ترس ئه‌زێته‌ چاوم

بۆیه‌ به‌ ترسه‌وه‌ ته‌ماشم

له‌ ته‌ماشات ئه‌سوێ

دڵت به‌ چی خۆشه‌

له‌م سه‌گوه‌ری ترسه‌

پشیله‌یه‌ک ترسه‌نۆکم.......

ناته‌واو

 

 

پيام هاي ديگران ()        link        جمعه ٩ خرداد ،۱۳٩۳ - ناسر یه‌زدانی

پاییز

 

نه‌رمه‌ بارانێک ئه‌بارێ

سووکه‌ خه‌وێک ئه‌تباته‌وه‌

شه‌که‌تی

به‌ هێمنی له‌ مێشکتا ئه‌روێ

خه‌و به‌ خۆته‌وه‌ ئه‌بینی و

چرۆی ماچێک

له‌ سه‌ر دڕکێک

خه‌و به‌ خۆته‌وه‌ ئه‌بینی و

باڵای به‌رزی هه‌ناسه‌یه‌ک

له‌ سه‌ر ئاخێک

خه‌و به‌ خۆته‌وه‌ ئه‌بینی و

پاییزێکی ده‌م که‌فاوی

هاوڵه‌ ره‌نگ

که‌ خواکانیش

ئاواره‌ی سه‌ر وڵاتێکی تف لێکراویان کردبێ

خه‌و ڕه‌شه‌ی

ئه‌م زستانه‌و

گه‌رمای قورسی و

قورسی لێفه‌

فێنکی خه‌وێک باوه‌ش به‌ له‌شتا ئه‌کا

خه‌و ئه‌بینی و خه‌و نابینی

ماچه‌ و ماچه‌

چرۆ ئه‌کا له‌ سه‌ر دڕکێک

ئاخه‌ وئاخه‌

باڵا ئه‌دا به‌ هه‌ناسه‌

پاییز و پاییز و پاییز

پۆیله‌ی زه‌ماوه‌نه‌ سه‌ر نه‌گرتووه‌که‌ی به‌فر و هاڵکۆک

باڵای بێده‌نگیت به‌رزه‌

تۆ داریت و

دائه‌پاچرێت

تۆ کێویت و

دائه‌تاشرێت

تۆ شارێت و

دائه‌چۆڵیێت

تۆ فریشته‌ی ده‌رکراوی

تاوانباری

ئێستا له‌ سه‌ر وڵاته‌که‌ت

مێرده‌زمه‌یه‌ک خاوه‌ن ماڵه‌ و

مێوه‌ جنۆکه‌یه‌ک کابان

ئێستا له‌ سه‌ر وڵاته‌که‌ت

پییز شێعری گه‌ڵارێزان و

شێعری ته‌ور

ئه‌چرپێنێته‌ گوێ ی که‌ری دارستانی نسێ ئاژۆ

ئێستا له‌ سه‌ر وڵاته‌که‌ت

پاییز

چوار ورزی ساڵێکه‌ بێکۆتایی

گه‌رووت وشکه‌ و

هاوار خنکاو

**

هه‌تا پاییز

قاچیشتی ماچ نه‌کردووه‌

خۆت خه‌ په‌نای

ئه‌م بارانه‌

 1380/دیوانده ره

پيام هاي ديگران ()        link        چهارشنبه ۱۳ آذر ،۱۳٩٢ - ناسر یه‌زدانی

قه‌ره‌بوو...

مه‌رگ ئه‌که‌م به‌ نیشانه‌

ئه‌گه‌ر

نه‌گه‌رێته‌وه‌

*

ته‌نیاییم جمه‌ی دێ

کاولم / هێشتا به‌ سه‌ر بێقه‌راریما

قه‌ره‌بووی سووتانی من ته‌نیا شه‌وێک

ئه‌که‌یته‌وه

/ په‌نجێره‌/

که‌ دائه‌خه‌ی

له‌ سه‌ر شانی تابووتێکا

چۆله‌که‌یه‌ک

هه‌ڵ ئه‌تروکێ و

رووخان له‌ ئایه‌تی نه‌نووسراوی

شێعرێکا سه‌ما ئه‌کا

زاقم له‌ تاریکی ئه‌م دێڕه‌ و

زووخم

له‌ شێعرێ بن بست

له‌ گۆ ئه‌چم

تا قوڕاویترن چاڵ

-که‌ به‌ سه‌رما ئه‌رووخێ-

له‌ چاوترسێن ترین شه‌و

تا سه‌گوه‌ڕی کۆلان

شه‌که‌تیم به‌ سه‌رێشه‌وه‌

سه‌رناگرێ

ئه‌م هه‌واڵه‌ که‌ تۆی

له‌ دێڕێکا ئه‌ خنکی

که‌ منم

له‌ سووچێکا

هه‌ڵ ئه‌تووتێم

که‌ تۆ

ئه‌بی به‌ تابووت و

من شان

شانه‌ و شان

پڕاوپڕم له‌ هێز

لیپاو لیپی له‌ بزه‌

جمه‌ی دێ ته‌نیاییم

قه‌ره‌بووی سووتانی من

ته‌نیا

شه‌وێک

له‌ کافرستانی زوقمی کۆڵانێکا ئه‌که‌یته‌وه‌

پشتێنت

هێشتا له‌ ملما گیر

شانێکم له‌ ژێر تابووتێکا

 سه‌وز

له‌تێکم کانی

دووکه‌ڵ به‌ سه‌ر شه‌قاما زاڵ

*

ترس ئه‌زێته‌ جاوم

که‌(( با)) یه‌ک ئه‌لوورێنێ و

گورگێک تاو ئه‌دا

ترسێک

به‌ره‌و رۆحێک یاخی

مشک ئه‌روێ له‌ سه‌عاتا

له‌تر ئه‌ده‌م

ئه‌که‌وم

ئه‌که‌وم و به‌ردێک سوور ئه‌بێ

سور سوور

سپی له‌ چاوتا

سوور سوور

شینی له‌ له‌شما

سوور سوور

ئاگره‌ هه‌ر ئه‌زێت

مشکه‌ هه‌ر ئه‌روێت

قه‌ره‌بووی سووتانی من ئه‌که‌یته‌وه‌

جانتاکه‌ت

که‌ ئه‌به‌سی

مه‌رگ ئه‌که‌م به‌ نیشانه‌

ئه‌زانم

که‌ ناگه‌ریته‌وه

زستانی 90

پيام هاي ديگران ()        link        جمعه ۳٠ فروردین ،۱۳٩٢ - ناسر یه‌زدانی

هه‌موو شتێ ئارامه‌( له‌ شین ئاوا)

داوای لێبووردن ئه‌که‌م ئه‌م وه‌کوو شێعره‌م به‌ ده‌م گریانه‌وه‌ نووسیوه‌ ته‌نیا هه‌ستێ بوو گڕ به‌ منیه‌وه‌ لکان

هه‌واڵه‌که‌ کورت به‌ڵام قورس بوو، قوتابیانی پله‌ی چواری قوتابخانه‌یێک که‌وتنه‌ به‌ر ته‌وژمی گڕ، خوا له‌و که‌سانه‌ خۆش نه‌بێ که‌ تاوانبارن.

داوای سه‌بر و لێبووردنیش ئه‌که‌م بۆ ئه‌وانه‌ی هێشتا دڵیان له‌ مشتیانای بۆ ساخ هاتنه‌وه‌ی له‌شی سووتاوی جگه‌رگۆشه‌که‌یان.

له‌ خوایش ئه‌پارێمه‌وه‌ به‌ مێهره‌بانییه‌وه‌ سه‌لامه‌تی ببخشێته‌وه‌ به‌و منداڵه‌ بێ گوناحانه‌ی تووشی نامێهره‌بانی به‌رپرسان بوون.

دڵ و ده‌روونی تان هه‌یه‌ ئه‌م لینکه‌ی خواره‌وه‌ ته‌ماشا بکه‌ن:

http://fararu.com/fa/news/134325/

ئه‌مه‌یش هه‌ستی من پێشکه‌شه‌ به‌و ئه‌ستێرانه‌:

هه‌موو شتێ ئارامه‌

سووتام

له‌گه‌ڵ له‌شتانا

گڕ به‌ربووته‌ جه‌رگم

له‌ په‌نای قه‌ڵه‌مه‌که‌تانا

له‌ توێ توێ ده‌فته‌ره‌کانتانا

        -که‌ نیوه‌ سووت بێ ناز که‌وتوون-

سووتام

وه‌ک جه‌رگی دایک

وه‌ک رۆحی باوک

سووتام

وه‌ختێ نه‌وت ئه‌چێته‌ له‌شته‌وه‌

وه‌ختێ گڕ ئه‌چێته‌ دڵمه‌وه‌

گریام

له‌گه‌ڵ دایکه‌کانتانا

گریانم پڕه‌ له‌ توڕه‌یی

پڕه‌ له‌ به‌فر

که‌ به‌هاناتانه‌وه‌ نه‌هات

پڕه‌ له‌ شه‌رم

که‌ له‌ کتێبه‌کانتانا

             - هه‌موو شتێ ئارامه‌-

پڕه‌ له‌ شه‌ش سێ سێ و به‌نێر

                - بۆ فیز-

بلێێ که‌سێ له‌ ته‌رێقی دا داڕزێ؟

16 ی سه‌رماوه‌زی 91

پيام هاي ديگران ()        link        دوشنبه ٢٠ آذر ،۱۳٩۱ - ناسر یه‌زدانی

 

تا

دوگمه‌یێک له‌ مانتۆکه‌ت نه‌ترازێ

نازانی

په‌نجه‌کانم چه‌ن شێتن....

پيام هاي ديگران ()        link        جمعه ٥ آبان ،۱۳٩۱ - ناسر یه‌زدانی

له‌ خه‌یاڵی ناسکتا رێواس ئه‌روێ...

رۆژ و شه‌و له‌ هه‌موو دۆستان سه‌وز

ئه‌مرۆ که‌ ویستم خۆم به‌ رۆژ ببمه‌وه‌ حه‌یفم لێهات ئه‌و دۆستانه‌ که‌ تازه‌ به‌ رۆژ بوونه‌ته‌وه‌ و زۆریش پۆسته‌ تازه‌که‌یان جوان و رێک و پێکه‌ یادێکیان لێ نه‌کرێ

بلاگی پێشه‌نگ کاک یونس ره‌زایی وه‌کوو هه‌میشه‌ له‌ سه‌ر کاتی خۆیا به‌ رۆژ بووه‌ته‌وه‌ به‌ چیرۆکێکی کاک حه‌مه‌ی سه‌لیمی. هه‌ر له‌م بلاگه‌دا ده‌توانن چه‌ند شێعری تراسترۆمێر و بۆ یه‌که‌م جار چه‌ند کورته‌ شێعری کاک موراد ئه‌عزه‌می ئه‌توانن بخوێننه‌وه‌

بلاگی خه‌ون باز کاک جه‌میل مورادی به‌ به‌ شێعری شانۆ نامه‌ وه‌ به‌ رۆژه‌ وه‌ک ده‌ڵێ:

 کایه‌که کۆتایی پێهات

ئه‌سپه‌کان له‌گل که‌وتن

تۆ پێکه‌نیت!

سه‌ربازه‌کانیش پیاده گه‌رانه‌وه...

بلاگی دره‌نگ خاتوو فاتمه‌ فه‌رهادی به‌ شێعرێکی ته‌واو ژنانه‌ وه‌ هیوادارم قه‌ڵه‌مه‌که‌ی وه‌ک زمانی هه‌ر ژنانه‌ بێ وه‌ک ده‌ڵێ:

کێ لە من عاشقترە؟

من کە لە ئاوێنەکەما دیمەنی دەنگەکان ئەشارمەوە

دیمەنی ئەسپەکانی تۆ

کە بەرەو تەنیاییەکانم غار ئەدەن......

بلاگی هه‌ناسه‌ کاک ئه‌حمه‌د که‌ریمی به‌ کورته‌ شێعرێکه‌وه‌ ده‌یهه‌وێ ئێمه‌ش تێکه‌ڵی دنیای تاکه‌ که‌سی خۆی کا

خاتوو مریه‌می قازی ئه‌مجاره‌ وه‌ک هه‌میشه‌ سایه‌ی مامۆستایانه‌ی خۆی خستووه‌ته‌ سه‌رمان و به‌ وتارێک رێک و پێکه‌وه‌ له‌ سه‌ر چیرۆک ئاماده‌یه‌ به‌ هه‌موو دۆستان چیرۆک نووس  خوێندنه‌وه‌ی ئه‌م وتاره‌ پێشنیار ده‌که‌م من که‌ بۆ خۆم که‌ڵکی زۆرم لێ وه‌ر گرت.

گۆڤاری زان به‌ چوار کورته‌ شێعری سه‌لاح گوڵه‌ندامی یه‌وه‌ به‌ رۆژه‌

ئێستا شێعرێکی خۆم بۆ کۆتایی ئه‌م پۆسته‌:

پێشکه‌شه‌:

 بۆ که‌سه‌ی بێتاقه‌تی شێعری من بوو

له‌ خه‌یاڵی ناسکتا رێواس ئه‌روێ...

 

که‌سێک

 له‌ خه‌یاڵی ناسکیا رێواس ئه‌روێ و

 لێوێک ناسک ئه‌قرتێ

نیگا شه‌راویه‌کانتم تێ مه‌گره‌

 با نه‌پرووکێم

برژانگه‌کانت

مه‌خه‌ ناو بێکه‌سیمه‌وه‌

من خه‌یاڵم کۆڵانێک ته‌سک

تۆش باڵات خیابانێ درێژ

پڕه‌ له‌ پێڵاو و

بۆتیک و

 ماتیک

ئه‌ڵبه‌ت هه‌زارێ وه‌ک منیش

پیاسه‌ ئه‌که‌ن له‌ باڵاتا...

له‌ لای راسته‌ وه‌

چه‌پ چه‌پ ته‌ماشات ئه‌شکێ

له‌ شه‌رمێکا که‌ کجێنیت...

خڵتانی خه‌یاڵتم خاتوون

خولیاکانم ئه‌گۆڕی یان

دوایین گۆڕه‌وشارم ئه‌بێ شه‌رمێکی ژنانه‌ی تۆ بێ

که‌ ناسک ئه‌قرتێ لێوت و

لێواو لێو تاسه‌م

تۆزێ ئودکولۆن بپرژێنه‌ به‌ خولیاکانما

بۆنی عاره‌قیان لێ دێ

هه‌ناسه‌ ئه‌گه‌ر له‌ تۆوه‌

به‌ من نه‌گا

شێعر ئه‌خنکێ...

**

تۆ ئه‌رۆیت و

پرته‌قاڵێک

ئه‌خه‌ێته‌ گیرفانی پاڵته‌که‌ته‌وه‌

شه‌و به‌ توڕه‌یی یه‌وه‌

به‌ گژ منا ئه‌چێ

 26/12/90

پيام هاي ديگران ()        link        یکشنبه ۸ امرداد ،۱۳٩۱ - ناسر یه‌زدانی

بڕیار نامه‌ ی لێژنه‌ی داوه‌ری به‌شی کوردی ده‌هه‌مین فیستوالی چیرۆکی بانه‌

یادێک له‌ نه‌مر برایم یونسی به‌و هیوایه‌ قه‌ڵه‌می پڕ رێره‌و بێ و ئیزنێک له‌ مامۆستا عه‌تا نه‌هایی که‌ هیوادارین قه‌ڵه‌می به‌رده‌وام  بێ له‌ نووسین

لێژنه‌ی داوه‌ری به‌شی کوردی وێرای به‌ خێر هاتنی سه‌رجه‌م ئه‌و که‌سانه‌ی له‌ دوور و نزێکه‌وه‌ هاتوون،هه‌روه‌ها ماندوو نه‌بوونێکی تایبه‌ت له‌ به‌رێوه‌ به‌ران و ده‌سخۆشانه‌ له‌ هه‌موو ئه‌و که‌سانه‌ی خولیاکانیان به‌ چیرۆک ئه‌خوڵقێنن،راده‌گه‌یێنێ دوای مشت و مڕێکی پسپۆرانه‌ی زۆر لێژنه‌ی داوه‌ری به‌ر له‌ هه‌موو شتێک ئه‌وه‌ی بۆ ده‌رکه‌وت که‌ ئاستی چیرۆکه‌کان هێنده‌ له‌ یه‌ک نێزیک بوون که‌ هه‌ڵبژاردنی ئه‌خسته‌ کێشه‌ و مه‌ترسی یه‌وه‌ بۆیه‌ به‌ ئه‌رکی سه‌ر شانی خۆی ده‌زانی ده‌سخۆشانه‌ ی تایبه‌ت له‌ هه‌موو قه‌ڵه‌م به‌ده‌ستان و بیرمه‌ندانی ئه‌م به‌شه‌ بکا، ئه‌مه‌ جێ ی دڵخۆشییه‌ که‌ وزه‌ و توانای ئه‌م قه‌ڵه‌مانه‌ له‌ داهاتوودا ره‌نگه‌ جوانتر خۆی بنوێنێ و کتێبخانه‌ی کوردی ئه‌توانێ به‌ به‌رده‌وامی بوونی ئه‌م نوێ قه‌ڵه‌مانه‌ چاوه‌روانی یه‌کی گه‌شه‌ داری ببێ.

دوای ده‌سخۆشانه‌ له‌ به‌شداربوانی به‌شی کۆتایی ده‌هه‌مین فستیواڵی چیرۆکی کوردی بانه‌ لێژنه‌ی داوه‌ران سێ چیرۆکی شایانی رێز گرتن ده‌زانێ که‌ به‌ پێ ی ئه‌لف و بێ بریتین له‌:

  • به‌ هۆی یه‌کگرتوویی زمانی گێرانه‌وه‌ و سازانی گرێ به‌ که‌مته‌رین که‌ره‌سه‌

چیرۆکی: پیره‌ بڕنه‌و                                  نووسینی: کاک ئه‌ڵامۆراد جه‌باریان

  • به‌ هۆی ده‌ربرینی حاڵه‌تی ده‌روونی به‌ کرده‌وه‌ و وێنه‌ سازی باروودۆخه‌کان

چیرۆکی: شوون پاێگ له‌ بان وه‌فر                  نووسینی: کاک که‌یومه‌رس به‌له‌ده‌

  • به‌ هۆی دژوه‌ستانی ئاوه‌ز و ئه‌وین و له‌حنی جیاوازی که‌سایه‌تی

چیرۆکی: نیچه‌،مۆدێرن،سمێلی تاشی           نووسینی: کاک بێهام فه‌تاحی

لێژنه‌ داوه‌ری به‌شی کوردی فستیواڵ سه‌باره‌ت به‌ هه‌ڵبژاردنی پله‌ی یه‌ک و پله‌ی دوو و پله‌ی سێ، به‌و قه‌ناعه‌ته‌ گه‌یشت پله‌به‌ندی دابیین نه‌کات بۆیه‌ بێ پله‌به‌ندی سێ چیرۆکی وه‌ک هه‌ڵبژارده‌ی به‌شی کوردی ده‌هه‌مین فستیواڵی چیرۆکی بانه‌ ده‌زانێ،که‌ به‌ پێی ئه‌لف و بێ بریتین که‌:

  • به‌ هۆی زمانی ئه‌فسووناوی و که‌ڵک وه‌رگرتن له‌ هێما

چیرۆکی: ئایات                                             نووسینی کاک فریا یونسی

  • به‌ هۆی ئاستی ته‌کنیکی به‌رز و شێوه‌ی گێرانه‌وه

چێرۆکی: به‌ زۆر شته‌وه‌ ده‌س پێ ده‌کات          نووسینی: کاک موحه‌مه‌دی سه‌لیمی

  • به‌ هۆی دارشتنی به‌ هێز و ره‌چاو گرتنی فره‌ ده‌نگی و پاراستنی شه‌ئنی مرۆڤ

چێرۆکی: ده‌نگه‌ ده‌نگی بێده‌نگی                    نووسینی: کاک  هێمن عه‌بدۆڵا پوور

 

لێژنه‌ی داوه‌ران بریتین له‌:

کاک مۆراد ئه‌عزه‌می

کاک سدێق که‌ریمپوور

کاک ناسر یه‌زدانی

 

 

 

 

پيام هاي ديگران ()        link        پنجشنبه ٢٢ تیر ،۱۳٩۱ - ناسر یه‌زدانی

کۆتایی فستیواڵی شێعری مه‌وله‌وی

فێستیڤاڵی یه‌که‌مین خه‌ڵاتی مه‌وله‌وی بۆ شێعر کۆتایی پێهات
سنه‌- فێستیڤاڵی یه‌که‌مین خه‌ڵاتی مه‌وله‌وی بۆ شێعر به‌ هه‌ڵبژاردنی 4 کتێبی بڵاوکراوه‌ و 10 شێعری سه‌رکه‌وتوو سه‌ر له‌ ئێواره‌ی ڕۆژی یه‌کشه‌ممه‌ 27ی مه‌ی/ 7ی جۆزه‌ردان کۆتایی به‌ کاری خۆی هێنا

 
به‌پێی هه‌واڵی کوردپرێس؛ لێژنه‌ی داوه‌رانی ئه‌م فێستیڤاڵه‌ به‌ داکۆکی کردن له‌سه‌ر تازه‌بوونی شێعری، ساکاری زمان، ئاوێته‌کردنی ئه‌ندێشه‌ و زمان، وێنه‌ی خوێنه‌ر له‌ شێعردا و په‌یامی ئه‌مڕۆیی، هه‌ڵبژاردنه‌کانی یه‌که‌مین خه‌ڵاتی مه‌وله‌وی بۆ شێعریان ده‌ستنیشانکرد.
به‌پێی به‌یانییه‌ی داوه‌رانی ئه‌م فێستیڤاڵه‌ ؛عه‌لی ئۆلفه‌تی له‌ شاری کرماشان بۆ کتێبی "سانه‌ناو"، حه‌بیوڵڵا به‌خشووده‌ له‌ ئیلام بۆ کتێبی "په‌پوو"، ئیسماعیل ئه‌عزه‌می له‌ شاری دیوانده‌ره‌ بۆ کتێبی "چرکه‌کانی ئێواره‌یه‌کی نامۆ" و هه‌وار خزرزاده‌ له‌ شاری مه‌هاباد بۆ کتێبی "خه‌مه‌ چه‌تراوییه‌کانی باخچه‌یه‌ک هه‌نار و کچێنی" وه‌ک کتێبی هه‌ڵبژارده‌ له‌ناو 30 کتێبی ناردراو، خه‌ڵاتکران.
هه‌روه‌ها، "چه‌نگیز ئێقباڵی" له‌ ئیسلام ئاباد غه‌رب، "جه‌ماڵ مه‌ڵایی" له‌ سنه، "شه‌هلا حه‌سه‌ن زاده"‌ له‌ سنه، "سۆران حسێنی" له‌ بانه، "‌‌‌دیمه‌ن سوهرابی" له‌ بۆکان، "سۆمه‌ییه‌ مێهری" له‌ ئیلام، "ناسر یه‌زدانی" له‌دیوانده‌ره‌، "قاسم تاباک" له‌ مه‌هاباد و "حسێن شه‌ریفی" له‌ سه‌قز ، 10 شاعێری هه‌ڵبژارده‌ له‌ نێوان 297 شاعێری به‌شداربووی فێستیڤاڵی یه‌که‌مین خه‌ڵاتی ئه‌ده‌بی مه‌وله‌وی بۆ شێعری کوردی بوون.
 
سه‌رچاوه‌:کوردپرس

پيام هاي ديگران ()        link        سه‌شنبه ٩ خرداد ،۱۳٩۱ - ناسر یه‌زدانی

چه‌نێ....

چه‌نێ...

پێشکه‌شه‌ به‌ ته‌واو ئه‌وانه‌ی

 چه‌نێ یان خۆش ئه‌وه‌ی

ته‌نانه‌ت به‌ تۆێش که‌م ته‌رخه‌م

 

قه‌د نه‌متوانی بڵێم که‌ تۆم چه‌نێ....

خۆش ویستووه‌ زیاتر له‌ خۆم چه‌نێ...

قه‌د نه‌موێرا بڵێم ده‌س گرتنت     

 بۆ گه‌شتێکی لێواری چۆم چه‌نێ.....

تۆش نه‌تزانی ته‌ماشای من وه‌ختێ

 جانتات هه‌ڵگرت وتت ئه‌رۆم چه‌نێ...

زمانم په‌ڵت بوو بێ ده‌نگ ئه‌م روانی

ده‌س و دڵم وه‌کوو ئه‌ژنۆم چه‌نێ....

له‌ جه‌زری چاوتا وه‌ک مه‌له‌وانێک

 هه‌ستم کرد که‌ مه‌له‌ی بن گۆم چه‌نێ... 

پيام هاي ديگران ()        link        سه‌شنبه ۱ فروردین ،۱۳٩۱ - ناسر یه‌زدانی

شێعرێ درێژ وه‌ک...

ته‌نیاییم پره‌ له‌ تۆ

تۆ نیت

تا بزانی

ته‌نیاییم پره‌ له‌ تۆ

پيام هاي ديگران ()        link        شنبه ٢٧ اسفند ،۱۳٩٠ - ناسر یه‌زدانی