نه ختيک ئيواره
ئیتر له‌ ده‌سره‌ستا نیم

1

خۆشه‌ویستیت

جاده‌یێکه‌/ که‌ پیا ده‌رۆم

دوور ئه‌بمه‌وه‌

که‌ پیا نارۆم

قه‌د نایگه‌مێ

2

پیاڵه‌یێ چا ئه‌خۆمه‌وه‌ و

 چۆرێ میز....

له‌ ده‌سره‌ستام خانم

به‌ گریانم مه‌سپێره‌

ئوتووبووسێک ماتڵمه‌

ئیتر له‌ ده‌سره‌ستا نیم

دوگمه‌ی مانتۆکه‌ت داخه‌

له‌ ئازادی دا ته‌نیای

پيام هاي ديگران ()        link        سه‌شنبه ٤ بهمن ،۱۳٩٠ - ناسر یه‌زدانی

ئاگاداری

ئاگاداری

به‌ ئاگاداری هه‌موو چیرۆکنووسان و نووسه‌ران و هونه‌رمه‌ندان ده‌گه‌یه‌نین که‌ ئیداره‌کوللی فه‌رهه‌نگ و ئیڕشادی ئیسلامی پارێزگای کوردستان ده‌یه‌وێت به‌ بێ بنکه‌ی ئه‌ده‌بی "به‌ڕۆژه‌" ده‌یه‌مین خولی فستیڤاڵی چیرۆکی بانه‌ به‌ڕێوه‌ به‌رێت ، ئه‌وه‌ له‌ کاتێکدایه‌ که‌ ئه‌م بنکه‌ دامه‌زرێنه‌ر و به‌ڕێوه‌به‌ری ده‌ساڵی ڕابردووی ئه‌و فستیڤاڵه‌ بووه‌.

ئێمه‌ ده‌نگی ناڕه‌زایه‌تی خۆمان بۆ ئیداره‌ی ئیڕشاد و فه‌رمانداری بانه‌ و نوێنه‌ری بانه‌ و سه‌قز له‌ مه‌جلیس وشوورای شار و شاره‌داری بانه‌ به‌رز کردۆته‌وه‌ و به‌ نیازین که‌ وڵامی به‌ جێ و پێویست به‌ ئێمه‌ بدرێته‌وه‌ و به‌ڕێوه‌ بردنی فستیڤاڵ بدرێته‌وه‌ به‌ خاوه‌نی بنه‌ڕه‌تی خۆی . هه‌ر بۆیه‌ له‌ هه‌موان چاوه‌ڕیی پشتگیری و یارمه‌تی ده‌که‌ین .

نوکته:سه یره ئه شی هه ر شتیکتان به دل نه بی به ری بگرن

پيام هاي ديگران ()        link        سه‌شنبه ۱۳ دی ،۱۳٩٠ - ناسر یه‌زدانی

ئاگاداری

ئاگاداری
شه‌وه‌ شێعرێک به‌ به‌شداری هێندێک له‌ شاعیرانی هاوچه‌رخی کورد به‌ هاوکاری ئیداره‌ ئیرشادی شاری نه‌غه‌ده‌ به‌ڕێوه‌ ده‌چێ، ده‌رفه‌ت بۆ ناردنی به‌رهه‌م ۱۰/۸/۱۳۹۰هه‌تاوی.
تێبینی:
به‌شداری بۆ هه‌موو لایه‌ک ئازاده‌.
تکایه‌ ته‌نیا دوو به‌رهه‌م بنێرن.
بابه‌ته‌کانتان به‌ فۆنتی یونیکورد بێ و بۆ ئه‌و ئیمه‌یله‌ی بنێرن.    
وێنه‌یه‌کی خۆتان و ژماره‌ی په‌یوه‌ندیشمان بۆ بنێرن.
naqadepoem@yahoo.com
www.naqadepoem.blogfa.com

پيام هاي ديگران ()        link        یکشنبه ۱ آبان ،۱۳٩٠ - ناسر یه‌زدانی

بێ تاقه‌تم

.....بێتاقه‌تم، پڕم له‌ ته‌عتیلات

پڕم له‌ حه‌زێ، زوو بگه‌مه‌ لات

پڕم له‌ فورمی ئێواره‌ی جومعه‌

شێواو وه‌ک ژنێک زۆر بێ ده‌سه‌ڵات

پڕم له‌ مێژوویێ  که‌ ئاخنراوه‌

له‌ که‌ڵاشینکۆف،له‌ هه‌ڵات هه‌ڵات...

:ببه‌خشه‌ که‌ بۆم نانووسرێ شێعرێ

بدوێ له‌ به‌هار،پڕ بێ له‌ قاقات

ناتوانم شێعرێ شیرین بدوورم

چه‌سپی به‌رت بێ،پڕبێ به باڵات

حه‌یفه‌ ئه‌م شێعره‌ لێره‌ پریۆد بوو

به‌ سه‌رێشه‌وه‌ به‌ ئه‌نجام ناگات

به‌هاری 90

پيام هاي ديگران ()        link        چهارشنبه ۱٧ فروردین ،۱۳٩٠ - ناسر یه‌زدانی

دوو هه‌واڵی خۆش

سڵاو

به‌ دوو هه‌واڵی خۆش

یه‌که‌م:

دووهه‌مین فستیوالی شێعری هاوچه‌رخی کوردی به‌ رێکی و پێکی له‌ سای شاخه‌کانی قه‌ندیل له‌ خانێ به‌ رێوه‌ چوو

له‌ ڕێوره‌سمی کۆتایی دووهه‌مین فێستیڤاڵی شێعری کوردیدا راگه‌یه‌نراوی ده‌سته‌ی داوه‌رانی هه‌ر دوو به‌شه‌که‌ی فێستیڤاڵ خوێندرایه‌وه‌ و ناوی براوه‌کان ئاشکرا کرا.
ته‌ندیس و خه‌ڵاتی فێستیڤاڵ له‌ به‌شی ئازاددا درا به‌ شاعیران: ئیسماعیل ‌عه‌زه‌می له‌ دیوانده‌ره‌وه‌، کاوان نه‌هایی له‌ بانه‌وه‌، فه‌وزیه‌ سوڵتان‌به‌گی له‌ بۆکانه‌وه‌، شێردڵ ئێڵ‌پوور له‌ کرماشانه‌وه‌، رۆژ هه‌له‌بجه‌یی له‌ سلێمانییه‌وه‌ ، نامیق هه‌ورامی له‌ هه‌ولێره‌وه‌.
هه‌ر له‌و به‌شه‌دا شێعری دوو که‌س به‌ شیاوی رێزگرتن ناسێنران که‌ بریتی بوون له‌ شاعیران: عه‌لی حسه‌ینی له‌ سه‌قزه‌وه‌ و عه‌زیز ناسری له‌ مه‌ریوانه‌وه‌
هه‌روه‌ها داوه‌رانی به‌شی تایبه‌ت به‌ یادی شه‌هیدانی ره‌شه‌ممه‌ی پیرانشار ناوی براوه‌کانی ئه‌م به‌شه‌یان به‌و شیوه‌یان ڕاگه‌یاند.
عوبێد سورخابی له‌ پیرانشاره‌وه‌، خدر محه‌مه‌دی له‌ پیرانشاره‌وه‌، سۆهه‌یلا مه‌حموودی له‌ کامیارانه‌وه‌، ئه‌نوه‌ر عه‌ره‌ب له‌ بۆکانه‌وه‌، عومه‌ر ئیمام له‌ پیرانشاره‌وه‌.
دوو که‌سیش له‌و به‌شه‌دا به‌ شیاوی رێزگرتن زانران که‌ بریتی بوون له‌ شاعیران: ئاره‌ش فه‌زڵی له‌ هه‌رسینه‌وه‌ و یوسف شوجاعی له‌ ورمێ‌وه‌
خه‌ڵاتی به‌رده‌نگانی فێستیڤاڵه‌که‌ش به‌ هاوبه‌شی درایه‌ شاعیران: محه‌مه‌د ڕه‌سووڵی له‌ پیرانشاره‌وه‌، عه‌لی سۆهرابی له‌ شنۆوه‌.
هه‌روه‌ها به‌ هۆی ته‌مه‌نێک چالاکیی ئه‌ده‌بی و خزمه‌تی زمانی کوردی ڕێزی تایبه‌ت له شاعیری ناسراوی کورد سه‌عید نه‌جاڕی (ئاسۆ) گیرا.

هه‌واڵی دووهه‌م:

دووهه‌مین کتێبی شاعیری به‌رێز کاک سمایل عه‌زه‌می به‌ نێوی چرکانه‌کانی ئێواره‌یه‌کی نامۆ که‌ بریتین له‌ چرکانه‌که‌ن برێک مه‌سێجه‌ شێعر هاته‌ نێو کتێبخانه‌ ی کوردی.خویندنه‌وه‌ ئه‌م کتێبه‌ پێشنیار ئه‌که‌م بۆ که‌سانه‌ی که‌ خه‌ریکن خۆیان به‌ شێعره‌وه‌ سه‌رقاڵ ئه‌که‌ن. بێ گۆمان ئه‌توانێ جۆرێک هانده‌ر بێ بۆ نووسین

پيام هاي ديگران ()        link        چهارشنبه ٢٥ اسفند ،۱۳۸٩ - ناسر یه‌زدانی

تۆ نه‌هاتی...

تۆ نه‌هاتی ئای که‌ مه‌عته‌لت بووم له‌......

شه‌و داهاتوو نیمکه‌ت خاڵی نه‌چووم له‌...

به‌فر ئه‌باری و من بێ چه‌تر و بێ کڵاو

جگه‌ره‌م ئه‌کێشا و خڵتی گرووم له‌/

به‌فر ئه‌هاویشت؛ده‌مم تاڵ تاڵ ببوو

به‌ هێڵنجه‌وه‌ ئه‌رشامه‌وه‌ رووم له‌‌/

دیواربێ؛وه‌ک داوه‌ڵم لێ هاتبوو

تۆ نه‌بووی نازانم چۆن نه‌چوو ئابرووم له‌....

 

 

پيام هاي ديگران ()        link        سه‌شنبه ۱۳ مهر ،۱۳۸٩ - ناسر یه‌زدانی

ترسه‌نۆکانه‌

1

ترسه‌نۆکانه‌

ژینم ده‌س پێکرد

مه‌رگ ده‌سی پێم کرد

2

بڵاو ئه‌بمه‌وه‌ به‌ عه‌شقێک

ئه‌ چیته‌ یه‌ک له‌ رقێکا

که‌سک که‌سک ئه‌مرم

ره‌ش ره‌ش ئه‌ژی

3

که‌ شاخ رووت بووه‌وه‌

پاییز هه‌ڵۆی گواسته‌وه‌ بۆ کافه‌کانی شار

تا له‌ ڵێڵی ئێواره‌یێکا

قاوه‌یێک تاڵ بخۆنه‌وه‌

4

-تۆ راس ئه‌که‌ی

((با من درۆیێکم کردبێ))


پيام هاي ديگران ()        link        دوشنبه ۱ شهریور ،۱۳۸٩ - ناسر یه‌زدانی

بێ تۆیی...

 1

تاقه‌تم که‌

 له‌ بێتاقه‌تیتا

شه‌رم سووکایه‌تی

به‌ تاقه‌ته‌ بێتاقه‌ته‌که‌م ئه‌کا

2

دووگمه‌ یێک له‌ مانتۆکه‌ت ترازا 

دوو قامک نزیک بوومه‌ لێت

نفره‌ت له‌ دوگمه‌

ئه‌م هه‌شت قامکه‌ ته‌واو نابێ

3

تۆزێ تریش بمگووشه‌ با...

 له‌ شه‌رمی کچێنیت دا سووری

ئه‌م تاکسی یه‌ بۆ سێ نه‌فه‌ر

 که‌مه‌

پيام هاي ديگران ()        link        چهارشنبه ۱٤ اسفند ،۱۳۸٧ - ناسر یه‌زدانی

قه‌ده‌غستان

((قه‌ده‌غستان))

 

من

 کوڵۆ کوڵۆ ئه‌بارێم و

کانی کانی ئه‌ته‌قێم و

رووبار رووبار ئه‌چمه‌ خاکا کورت ئه‌بمه‌وه‌

لاواز بوونم ته‌سبێحێکه‌ سووڕم ئه‌ده‌ن ماسیه‌کانم

د

  ا

    ئ

        چ

             و

                 ڕ

                    ێ

                         ن

تۆش

گه‌ڵا گه‌ڵا باڵا ئه‌که‌یت و

سه‌رپه‌نجه‌ی سه‌وزت سه‌رسنگی ئاسمان ئه‌خورێنێ و

قاچی ڕوتیشت له‌ رووبارێکا ئه‌شۆی

که‌ ئێستا له‌به‌ر ده‌س کورتی

ته‌نیا چاوی تاسه‌ ئه‌برێته‌ تۆ  و

به‌ هه‌زار هه‌ناسه‌ش هه‌نارێکی بۆ ناخورێ

 

ئه‌ویش

گلار گلار هه‌ناره‌کان ئه‌ته‌کێنێ

توند توند پێستی هه‌نار ئه‌گرێته‌ له‌شی رووبار

هێور هێور

ته‌وره‌که‌شی تیژتر ئه‌کا

ته‌نانه‌ت من

نه‌م نووسیوه‌ شعرێکیش که‌

نه‌م خوێندبێ

ته‌نانه‌ت تۆ

نه‌م نووسیوه‌ شعرێکیش که‌

نه‌ت بیستبێ

ته‌نانه‌ت ئه‌و

نه‌م نووسیوه‌ شعرێکیش که‌

نه‌ی دراندبێ

 

_ ئه‌مه‌ شه‌که‌ت بوونی له‌شی رووبارێکه‌

وه‌ختێ‌ هیوای به‌ موعجیزه‌ی جازیبه‌ی زه‌وی نامێنێ و

 ئاره‌ق ئه‌کا و ئه‌بێ به‌ هه‌ڵم_

ئه‌مه‌ بێ ده‌سه‌ڵاتی خاوه‌ن کانی یه‌

 له‌ شکۆی شه‌وه‌ زه‌نگێکا تا ده‌س بوه‌شێنێ

 له‌ چی تارمایی گورگه‌ و چی نه‌هێنی و

چی ته‌لیسمی نه‌کراوه‌یه‌

 

ته‌نانه‌ت تۆ

پێت نه‌داوم هه‌نارێکیش هه‌ڵیمژم ...

ته‌نانه‌ت ئه‌و...

پێت نه‌داوم هه‌نارێکیش

کاڵ کاڵ  هه‌ڵی نه‌مژی بێ

ئه‌مه‌ سێ و دووی نیگای نه‌مامێکه‌

وه‌ختێ به‌ ده‌م بای ریشه‌وه‌ ئه‌شنێته‌وه‌و

له‌ زریانی ده‌ور و پشتا

فیر له‌ هێلانه‌ چۆله‌که‌ ئه‌کاته‌وه‌

 

ته‌نانه‌ت ئه‌و

چاو ئه‌برێته‌ من ئه‌شڵه‌ژێ

ئه‌شڵه‌ژێ و تووڕه‌ ئه‌بێ

تووڕه‌ ئه‌بێ و پا و پلی ته‌وره‌که‌ی ئه‌شوا

 

ئه‌مه‌ چاو بڕکێی هه‌ره‌س هێنانی کێوێکه‌ له‌ دوو که‌و

ده‌نووک سوورباو تر له‌ هه‌نار

وه‌ختێ له‌ قه‌ده‌غستانی هه‌نارا

من شێت ئه‌بم

تۆ وشک ئه‌بی

ئه‌و ئه‌نووسێ

....ئام رووباره‌

به‌رد له‌ سه‌ر به‌رد

به‌رد له‌ سه‌ر به‌رد

بخنکێنن

 

 

 

                                                                                  79 دیوانده‌ره‌

پيام هاي ديگران ()        link        شنبه ۱۳ بهمن ،۱۳۸٦ - ناسر یه‌زدانی

 

پێکه‌ره‌ی ترس و بێ ده‌نگی

که‌ دای ئه‌نێن له‌ ناو شارا

 گه‌وره‌ی ئه‌که‌ن

 گه‌وره‌ی ئه‌که‌ن

 ئه‌ی که‌ن به‌ خوا

****

که‌ تاریکی سه‌ر هه‌ڵ دێنێ

پشیله‌یه‌ چاو زیت ئه‌کا

مناڵه‌ یه‌ک ئه‌ تۆقێنێ

 

پيام هاي ديگران ()        link        یکشنبه ٧ امرداد ،۱۳۸٦ - ناسر یه‌زدانی